Cancer y’ibere (cancer du sein /breast cancer) ni ibibyimba bifata mu mabere biterwa no guhinduka (mutations) kwa gene (genes) zigenga imikurire ya cellule zigize ibere. Ntibikwiye kwitiranywa n’utundi tubyimba dusanzwe dukunda kuba mu mabere. Abahanga bemeza ko iyo cancer ikunda kugaragara ku badamu baba barageze igihe cya menopause. 5%bonyine nibo bayirwara bafite munsi y’imyaka 40.
Cancer y’ibere iri mu za mbere zibasira abagore muri iki gihe ku isi yose ikaba ingana na 16% za cancer zifata abagore muri rusange. Mu mwaka wa 2005, yahitanye abagore bagera kuri 519,000 kw’isi.
N’ubwo Kanseri y'Ibere ikunda kwibasira abagore, inafata abagabo.
Igitera Kanseri y'Ibere
Igitera cancer y’ibere ntikizwi kugeza ubu ariko ubushakashatsi bwerekana ko hari aho usanga ari uruhererekane ku muryango (maladie hereditaire)
Ibimenyetso byayo :
Kubabara amabere
Kubyimba mu ibere
Gukanyarara k’uruhu rw’amabere (retraction de la peau), umubiri ugasa nk’uwicunga
ibintu bidasanzwe bisohoka mu mabere. (secretions au niveau du mamelon)
Umuriro
Uko ivurwa :
Nyuma yo gukora ibizamini by’ikibyimba hakoreshejwe ubuhanga butandukanye, Muganga abasha guhitamo uburyo avura iyo ndwara : ashobora guhitamo kubaga cyangwa hagakoreshwa ubundi buryo bwitwa radiotherapie na chimiotherapie.
Inama ku badamu n’abakobwa:
Kwirinda inzoga n’itabi
Kujya bakora ku mabere yabo nibura rimwe mu kwezi bakumva ibintu bidasanzwe bakajya kureba muganga.
Iyo cancer y’ibere imenyekanye hakiri kare hari amahirwe y’uko yavurwa igakira.
Video Abakobwa Beza
Kanseri y'Ibere
Subscribe to:
Post Comments (Atom)
0 comments:
Post a Comment