Shakisha

Video Abakobwa Beza

Yakundaniye kuri telefoni n’umuntu atazi asanga yari umuhungu mugenzi we

by http://urukundo.info
Mutuyimana Ashraf w’imyaka 32, avuga ko yari amaze igihe cy’umwaka umwe akundanira kuri telefoni n’umuntu atazi wamubwiraga ko yitwa Chantal ariko akaza gutungurwa nyuma asanze ari umuhungu mugenzi we.

Mutuyimana utuye i Gikondo mu karere ka Kicukiro , avuga ko yakundanye n’umuhungu mugenzi we kuri telefoni bitewe n’uko uyu musore yari yarashyizeho ifoto y’umukobwa mwiza kuri ku ikoranabuhanga ryo kohererezanya ubutumwa bugufi kuri telefoni ngendanwa rya Whatsapp.
Yagize ati “ Njye ubwa mbere nabonye anyoherereza ubutumwa ambwira ko ankunda kandi yifuza ko twazabonana igihe azaba yaje i Kigali kuko aba Kampala muri Uganda. Yambwiye ko ankunda ku buryo byatumye ntita no kumenya niba ari umuhungu cyangwa umukobwa kuko numvaga nta musore mugenzi wanjye wambwira ko ankunda”.
Mutuyimana avuga ko yahise nawe atangira kumwumvisha ko amukunda bitewe n’ifoto yabonaga yari yarashyizeho nk’ikirango (Profile) kuri Whatsapp.
Yagize ati “ Natangiye gutereta ku buryo nashyiraga muri telefoni yanjye ama-inite buri mwanya nohereza ubutumwa musaba ko yaza tukabonana kandi nifuza kumubona, nkamwumvisha ko nifuza ko twazanabana ”.
Avuga ko kugirango amenye ko uwo yateretaga ari umuhungu mugenzi we byasabye igihe kirekire.
Yagize ati “ Mbere y’uko tujya kubonana yarabanje ansaba ko twaza kugirana ikiganiro cy’iminota 45 mu gicuku ambwira ko aribwo twaza kuganira neza ndabyemera. Nibwo naje gutungurwa no kumva ari kwibanda ku kibazo cyo kumbaza niba mu buzima bwanjye nari nakundana n’umuhungu mugenzi wanjye cyangwa se ko nshobora kubikora”.
Mutuyimana avuga ko yaje kugira amatsiko ndetse anamwemerera ko ibyo yamubajije bishoboka cyane, ko icyangombwa ari urukundo nawe aboneraho kumubaza impamvu yakomeje kwibanda kuri icyo kibazo aba ari bwo uwo muhungu amwerurira amubwira ko nawe ari umuhungu.
Mutuyimana avuga ko atigeze yihangana, ko yahise abwira uwo muhungu wiyitaga Chantal ko adashobora gukundana n’umuhungu mugenzi ahita anamusaba kumwibagirwa mu buzima bwe.
Arangiza agira inama bagenzi be ko atari byiza gukundana n’umuntu muhuriye kuri telephone mu gihe mutarabonana imbona nkubone.

Related Posts by Categories



0 comments:

Post a Comment